\n
\n
\n
\n
\n
\nاليوم اناا نقلت لكم موضوع يمكن لازم ننتبه عليه اكثر ..!!
\n
\nالموضوع الله يطولي عمركم ..
\n
\n
\nقصة البنت ..
\n
\nبنت محترمه حشيمه عاقله بس طيبه وايد تحب تساعد الناس
\nمواضيعها قويه تدل على هيبتها ردوده تدل على ثقلها ورزانتها
\nويوجد الكثير مثل هذي البنت في منتدانا بنات اصل وفصل ..
\n
\nالمهم
\nهذي البنت تحكي قصتها وتقول ..
\nكنت اخدم الكل واسوي تواقيع للكل سويت لي صداقات فالمنتدى
\nاخوان واخوات عمري ما غلطت في حق انسان بس اذا حد غلط علي ياويله
\nدرات الايام والبنت صارت عضو مهم فالمنتدى
\nجاتها رساله خاصه من واحد معجب وقل ادبه حقرته وحرقته بكلامها
\nوقالت له تخيل اني وحد من اخواتك سكت ولانه مريض قال بنتقم
\nليش هاي ترفضني وانا وانا وانا يعني مداح نفسه الريال
\n
\nالمهم والاهم
\nفكر الريال كيف يقهر هالبنت المسكينه اللي مارضت تخون اهلها وتبيع نفسها برخيص
\nوتعرفون شو سوى؟
\nاشترك فالمنتدى بس
\nبنك بنت ..!!
\nوغير عمره ونزل مواضيع ورد على مواضيع وكل ماتنزل البنت موضوع ردت عليها
\nبرد يجذب البنت على اساس انه بنيه والبنت على نياتها
\nاللي صار بعد تقريبا شهرين (( له طولة بال مب طبيعيه))
\nطرش لها رساله خاصه ..!!
\nالمرسل
\n
\nالسلام وعليكم
\n
\nشحالج يا
\n
\nانا بصراحه متلومه منج بس مالقيت حد غيرج وبطيبة قلبج
\n
\nبصراحه اباج تسويلي توقيع لاني ماعرف اذا مافيها ازعاج
\n
\nصوره ونشيد اسلامي (سبحان الله)
\n
\nردت عليه ع انه بنت ..!
\n
\nوعليكم السلام
\n
\nبخير دامج بخير
\n
\nافا عليج ياختي بسويليج من عيوني بس طرشيلي الصوره والنشيد(شكلها البنت متدينه)
\n
\n
\nالمرسل
\n
\nامممممم للاسف انا ماعرف احمل الصور ولا الاناشيد
\nانزين ممكن تضيفيني عندج عالايميل واطرش لج الصوره والنشيد وعقب سويلي بلوك
\nضافو بعض وطرش الصور وسوتله توقيع
\n
\nوتم صديقات وسوالف
\n
\nوالريال يقول اليوم انا بسير العمره على اساس انه بنت..!!
\n
\nوالبنيه تقول ياحليها هاي وايد محترمه
\n
\nوقام الولد يراويها صورة يهال على اساس انهم اخوانه والبنت مصدقه ..!!
\n
\nوقال تبيني اراويج صورتي ..؟!
\n
\nقالت البنت هيه فضووول
\n
\nوطلع الها صورة بنت محجبه وراواها ( شوفو الخبث كيف )
\n
\nوقامت البنت على نياتها مسوين حفله فالبيت وقالت بوريج ربيعتي الصور
\n
\nويارباه يالمصيبه ..!!!
\n
\nراوت الريال صورها وصور الحفله واخواتها وكل شي (الطيبه تصير غباء فكل الاوقات)
\n
\nقام الريال سرق الصور كلهن ..
\n
\nوالمفاجئه اللي صيح البنت
\nهددها وقالها انا فلان وانا وانا وماعرف شوووو
\n
\nماخلى شي ما قاله والبنت تصيح وتصيح
\n
\nبس بعد شوووو ماتفيد الدموووع عورتها طلعت جدام ريال غريب والله مصيبه
\n
\nقال بنشر الصور وخوفها وطلب فلوس ويبا اشياء ثانيه
\n
\nحسبي الله ونعم الوكيل
\n
\nالله يعينها ..
\n
\n
\n
\nنصيحه لك اخواتي ..
\nلاتثقون فاي شخص ..ومب كل شخص مثل ما تتوقعون ..
\nترى الاصابع ما تتشابه وعيال ...... وايدمنقول للعبره ,,
\n
\n
\n
\n